Avstriya Rossiya gaziga yevro bilan emas, dollarda hisob-kitob qiladi, negaki dunyodagi bozor narxlari dollarda o‘lchanadi.

 Kansler Sebastyan Kurs Peterburg xalqaro iqtisodiy forumida shunday tushuntirish berdi. Tadbir sayti uning chiqishini translyatsiya qilgan. 

Uningcha, bu geosiyosiy emas, iqtisodiy masala. “Kichkina davlatmiz, bizga havfsizlik va barqarorlik kerak”, dedi Kurs. Rossiya prezidenti Vladimir Putin dunyoda dollarning ta’siri kamayayotganini aytib, “Biz hisob-kitobni milliy valyutada, jumladan, yevroda qilishni ko‘rib chiqishga tayyormiz”, deb ta’kidladi.