Келгусида ёғоч етказиб бериш ҳажмини ошириш ҳамда мамлакатнинг ёғочни қайта ишлаш саноатини ривожлантириш учун Австралия ҳукумати беш йил давомида 150 миллионта дарахт экишга қарор қилди.

Мамлакат бош вазири Скотт Моррисоннинг маълум қилишича, янги ўрмонларни барпо қилиш учун ҳукумат 86 миллион Австралия долларидан (61,8 миллион доллар) кўпроқ маблағ ажратади.

"Мазкур дастур келгуси авлоднинг ёғоч экспортини давом эттириши учун кўпроқ дарахт экишга қаратилган", – деди бош вазир Tasmania Talks радиостанциясига интервью берган чоғида. Бош вазирнинг қўшимча қилишича, “бу ерда гап бутун мамлакат бўйлаб 150 миллионта дарахт экиш устида бормоқда".

Моррисоннинг таъкидлашича, кўзда тутилган маблағ 30 йил ичида соҳага ажратилган энг йирик инвестиция ҳисобланади Австралия ёғоч маҳсулотларининг асосий харидорлари Хитой, Янги Зеландия ва Япония ҳисобланади.