Австралиянинг Янги Жанубий Уэльс штатидаги конда юз берган портлаш икки шахснинг ҳаётига зомин бўлди. Яшил қитъа конларида 2015 йилдан буён ўлим билан тугаган бахтсиз ҳолат кузатилмаётган эди.

Ҳодиса сешанба куни эрталаб Сиднейдан тахминан 700 километрда жойлашган Кобар шаҳри “Endeavor” конида содир бўлган. Воқеа жойига тез ёрдам ва қутқарув хизмати етиб келган. Полиция маълумотига кўра, 60 ёш атрофидаги бир одам воқеа жойида ҳалок бўлган, жароҳатланган икки аёлдан бири шифохонада вафот этган.

Ҳозир конда вақтинча иш тўхтатилган. Компания раҳбари фожиадан чуқур қайғудалигини билдириб, ҳалок бўлганлар оиласига ҳамдардлик билдирди. Штати раҳбари Крис Миннс ҳам марҳум ишчиларнинг яқинларига таъзия изҳор қилди.

– Кондa инсонлар, кончилардан қимматли ҳеч нима йўқ, – деган у.

Д.Ҳакимов, ЎзА