Австралиянинг Тасмания штатида 150 дан ортиқ майда кит соҳилга сакраган. Сўнгги 50 йил ичида илк бор шундай воқеа содир бўлди, деб ёзган маҳаллий ABC телеканали.

– Ҳодиса мутахассисларни ҳайрон қолдирмоқда, қирғоққа чиққан жониворларнинг 90 га яқини ҳали тирик, – дейилган хабарда.

Тасмания миллий боғи ва ёввойи табиат хизмати (PWS) вакили Брендон Кларк тахминича, сув жонзотлари қирғоқда 24-48 соат қолиб кетган бўлиши мумкин.

Китларнинг ҳаммасини сақлаб қолиш қийин, чунки бу соҳил ҳайвон ташишга мўлжалланган техника воситалари марказидан анча узоқ.

Китлар ёппасига қирғоққа чиқиб кетиши сабаби номаълум. Таъкидланишича, Тасманияда сув жониворлари оммавий равишда қирғоққа сакраши тез-тез учраб туради, бироқ китлар билан бундай ҳолат биринчи марта кузатилди.

Масалан, Маккуори қўлтиғида 2020 йил 470, 2022 йил 200 бош дельфин ҳам сувни тарк этиб, қирғоққа чиқиб кетганди.

С.Раҳимов, ЎзА