Австралияның Qantas авиакомпаниясы 2,5 мыңға жуық қызметкерді өз қаражаты есебінен демалысқа жіберу жайлы мәлімдеді. Басшылық мұны елдегі коронавирустың өршуіне байланыстырған.

«Бұл шешім ішкі рейстердің ұшқыштары мен бортсеріктеріне, сондай -ақ Жаңа Оңтүстік Уэльс пен басқа да бірқатар аймақтардағы әуежайлардағы қызмет етуші мамандарға әсер етеді», - делінген әуе компаниясының хабарламасында.

Qantas әуекомпаниясы басшылығы рейстердің қысқаруына байланысты осындай шешім қабылдаған болып, карантин аяқталғаннан кейін және рейстер қайта өз қалпына келе бастағанда барлық қызметкерлер өз жұмысын жалғастыруы айтылған.