Австралия Ресейдің қорғаныс, технология және энергетика саласындағы 35 ұйымына, сондай-ақ Ресей мен Беларусьтен келген 10 жеке тұлғаға қарсы санкция салды.

«Енгізілген санкциялар Ресей үшін экономикалық және стратегиялық маңызы бар заңды және жеке тұлғаларға бағытталған», - делінген Австралия Сыртқы істер министрлігі сайтында.

Санкциялар тізіміне Ресей қарулы күштеріне озық технологияларды, электроника мен құрал-жабдықтарды жеткізетін, ядролық энергия мен Арктикадағы ресурстарды өндірумен айналысатын ресейлік компаниялар кірген.