Австралия ўз портларига Буюк Британия ва АҚШнинг атом сув ости кемаларини жойлаштиришга тайёр, деди мамлакат бош вазири Скотт Моррисон.

Бу Хитойнинг ҳарбий иштирокига қарши икки иттифоқчининг Ҳинд океани ва Тинч океани жанубига чиқиш учун яхши имконият яратади.

Скотт Моррисоннинг айтишича, АҚШ ва Британия кемалари Австралиянинг ғарбий соҳилларига, кейин эса, шарқига жойлаштирилади. Вазир бу чоралар янги – “AUKUS” ҳарбий блоки аъзолари ҳамкорлиги доирасида амалга оширилишини айтди.

Маълумот ўрнида айтиш жоизки, ўтган ҳафтада Моррисон Австралия қуролли кучларининг мустаҳкамланишини эълон қилганди. 2040 йилга бориб, мамлакатнинг 18,5 минглик қўшини 80 мингга етказилиши режалаштирилган, дейилади “Deutsche Welle” хабарида.