Австралия үкіметі коронавирустық пандемияға байланысты 2022 жылға дейін шетелдік туристерді қабылдамау туралы шешім қабылдады.

Associated Press-тің хабарлауынша, мемлекет премьер-министрі Скотт Моррисон «Ел шетелдік туристерді қабылдауға әлі дайын емес», деген.

Мәлім болуынша, үкімет басшысы ел билігі білікті мигранттар мен студенттердің келуіне бірінші кезекте назар аударуға шешім қабылдағанын, бірақ шетелдік туристерді қабылдауға әзір емес екенін айтқан.

Оның айтуынша, үкімет австралиялықтардың шетелге шығуына шектеулерді қайта қарауға дайын.

«Сыртқы шекараны ашу тек 16 және одан үлкен жастағы халықтың 80% толық вакцина алған жағдайда ғана мүмкін болады», - деген саясаткер.

Жалпы, Австралияда пандемия басталғалы 107 мыңнан астам COVID-19 оқиғасы тіркеліп, 1307 адам қайтыс болды.