Avlodlar osha bardavom meros
Farg‘ona viloyatining Qo‘qon shahri milliy hunarmandchilik maskani sifatida ham dovrug‘ qozongan.
Farg‘ona viloyatining Qo‘qon shahri milliy hunarmandchilik maskani sifatida ham dovrug‘ qozongan. Bu yerdagi xonadonlarda bo‘lsangiz, deyarli har bir uyda hunarmandchilik bilan mashg‘ul hamyurtlarimizni uchratasiz.
– Ayni kunlarda uyushmamizga 400 dan ortiq hunarmand a’zo, – deydi “Hunarmand” uyushmasining Qo‘qon shahar bo‘limi rahbari Muxtorjon Azimov. – Hunarmandlarimiz bilan “usta-shogird” an’anasi hamda kasanachilik asosida ish olib borishga alohida e’tibor qaratmoqdamiz. Shahrimizdagi “Dasturxonchi” madaniy meros ob’ektida milliy hunarmandchilik markazi tashkil etilgan. Markazga misgarlar, tunukasozlar, to‘quvchilar, tikuvchilar, kulollar, zardo‘zlar, yog‘och o‘ymakorlari, pichoqchilar jalb etilgan. Ayni kunlarda hunarmandlarimiz joriy yil 10-15 sentabr kunlari shahrimizda bo‘lib o‘tadigan Xalqaro hunarmandchilik festivaliga tayyorgarlik ko‘rmoqda.