Ауыр атлетикадан Ташкент қаласында ересектер арасындағы Азия чемпионаты өтуде.

Жарыс барысында Азия және әлем рекордтары үш рет жаңарды.

Атап айтқанда, әйелдер арасындағы -45 келі салмақта КХДР өкілі Вон Хьём Син 86 келі тасты бағындырып, Азия (84 келі) және әлем (85 келі) рекордын жаңартты.

Екінші жағдайда да КХДР өкілі рекорд жасады. Әйелдер арасындағы жарысқа -49 келі салмақта қатысқан Ри Сонг Гум сілтеп көтеру бойынша 125 келіні көтеріп, Азия мен Әлем (124 келі) рекордын жаңартты. Ол сондай-ақ екі жағдай қорытындысы бойынша 220 келі (Азия және Әлем: 216 келі) өзінің бұрынғы рекордын жаңартты.