Өзбекстанда кейбір ауыл шаруашылығы техникалары кедендік баж салығы мен утилизация алымынан босатылады.

Осыған орай «Ауыл шаруашылығын механикаландыру деңгейін одан әрі арттыру шаралары туралы» Президент Қаулысы қабылданды.

Қаулыға сәйкес:

• 2025 жылдың 1 қаңтарынан бастап, ауыл шаруашылығы техникаларын жеткізу кезінде қолданылатын жеңілдіктер (субсидиялар, салық және кедендік жеңілдіктер, қаржылық көмектер) тек отандық өндірушілер мен дилерлер арқылы айналымға шығарылатын ауыл шаруашылығы техникаларына ғана қатысты болады.
• 2027 жылдың 1 қаңтарына дейін төмендегілер кедендік баж салығынан және утилизация алымынан босатылады:
  • Белгіленген талаптарға сай келетін мақта теретін комбайндар, өзі жүретін азық жинау және бау-бақша комбайндары, көшет отырғызу және қопару техникалары;
  • жергілікті өндірушілер немесе дилерлік қызмет арқылы шетелден әкелетін жаңа мақта теретін комбайндар, өзі жүретін азық жинау және бау-бақша комбайндары, көшет отырғызу және қопару техникалары.
• 2025 жылдың 1 наурызынан бастап, жеңілдіктерді пайдалана отырып сатып алынған (соның ішінде республикада өндірілген немесе импортталған) жаңа тракторлар мен комбайндарға GPS құрылғысы орнатылмаса, оларды мемлекеттік тіркеуден өткізуге және пайдалануға тыйым салынады.
• 2028 жылдың 1 қаңтарынан бастап, негізгі мақта және бидай дақылдары үшін тұқымды дәндеп сеппейтін техникаларды пайдалануға тыйым салынады.

Қосымша шаралар:

• Ауыл шаруашылығы техникасына қызмет көрсететін кәсіпкерлердің сұранысы бойынша жұмыссыз жастарды заманауи ауыл шаруашылығы техникасын басқару (тракторшы-машинист) және оларға қызмет көрсету мамандықтарына оқыту шығындары Жұмыспен қамтуға жәрдемдесу мемлекеттік қоры есебінен өтеледі.
• 2025 жылдың 1 қаңтарынан 2028 жылдың 1 қаңтарына дейін ауыл шаруашылығы техникаларын жөндеу, агротехникалық қызметтер көрсету (мысалы, лазерлік жер тегістегіштермен тегістеу, мақтаны дефолиациялау) бойынша кәсіпкерлерге (кластерлерден басқа) жер салығы мен мүлік салығының ставкасы 50 пайызға төмендетіледі.
• Ауыл шаруашылығы техникасын өндіруші жергілікті кәсіпорындардың қажеттіліктері үшін шетелден жеткізілетін техникаға қажетті қосалқы бөлшектері мен жабдықтары 2028 жылдың 1 қаңтарына дейін кедендік баж салығынан босатылады.