Теннис бўйича Мельбурн шаҳрида “Катта дубулға” туркумига кирувчи Австралия очиқ чемпионати 12 январь кунидан 1 февраль кунига қадар ўтказилади.

Мазкур мусобақа ташкилотчилари 2026 йилги мусобақа соврин жамғармасини эълон қилди. Унга кўра, “Australian Open – 2026” турнирининг умумий мукофот жамғармаси 74,9 миллион АҚШ долларни (111,5 миллион Австралия доллари) ташкил этади, бу ўтган мавсумга нисбатан 16 фоизга кўп дегани.

Яккалик баҳслари учун соврин жамғармаси қуйидагича тақсимланади:

Биринчи давра – 101 минг АҚШ доллари;

Иккинчи давра – 151 минг АҚШ доллари;

Учинчи давра – 220 минг АҚШ доллари;

Тўртинчи давра – 322 минг АҚШ доллари;

Чорак финал – 503 минг АҚШ доллари;

Ярим финал – 839 минг АҚШ доллари;

Финал – 1,4 миллион АҚШ  доллари;

Титул – 2,8 миллион АҚШ доллари.

Эслатиб ўтамиз, мазкур мусобақа яккалик ва жуфтлик баҳсларининг асосий тўрида Ўзбекистон терма жамоаси аъзоси Камилла Раҳимова иштирок этиши кутилмоқда.

Жавоҳир Тошхўжаев, ЎзА