Хабарингиз бор, Мельбурн шаҳрида теннис бўйича "Катта дубулға" туркумидаги “Australian Open – 2026” мусобақасини ҳамюртимиз Полина Кудерметова ғалаба билан бошлади. Иккинчи даврага йўл олган ҳолда навбатдаги рақибини кутаётган эди.

Ушбу турнирнинг биринчи даврасида даниялик Клара Таусон ва венгриялик Далма Галфи ўзаро рақобатлашди. Учрашувда Клара рақибини ҳар иккала сетда бир хил 6:3 ҳисобида таслим этди. Шу тариқа К.Таусон навбатдаги бочқичда ёш теннисчимиз Полина Кудерметова билан куч синашадиган бўлди. Ушбу ўйин 21 январь куни эрта тонгда бўлиб ўтади.  

Эслатиб ўтамиз, Австралия очиқ чемпионатининг жуфтлик баҳсларида мамлакатимизнинг биринчи рақамли теннисчиси Камилла Раҳимова 20 январь куни россиялик шериги Анна Блинкова билан тандемда тайванлик Чан Хао-Чинг ва хитойлик Жианг Хиню дуэти билан куч синашади.

Жавоҳир Тошхўжаев, ЎзА