Ауғанстанда бомба қойылған көлік жарылып, кем дегенде 30 адам қаза тауып, 60-қа жуық адам жараланды.

Pajhwok порталының хабарлауынша, оқиға Лохар провинциясының әкімшілік орталығы Пули-Аламда болған. Алдын ала болжам бойынша, көлік ондаған жастар жиналған ғимараттың жанында жарылған. Олар мұнда Лохар университетіне түсу емтихандарын тапсыру үшін жиналғаны айтылады.

Қазірше Ауғанстанда әрекет ететін бірде-бір террористік топ шабуылға жауапкершілікті әлі мойнына алған жоқ.