Ауғанстандағы биліктегі Талибан қозғалысы ауған әйелдерінің бұдан былай университеттерде оқуына рұқсат етілмейтінін мәлімдеді.

ВВС мәліметінше, әйелдердің университеттерге кіруіне шектеу бірден және шексіз күшіне енеді.

Жеке және мемлекеттік университеттер бұл тыйымды тез арада жүзеге асырып, билікке хабарлауы керек.

Естеріңізге сала кетейік, Талибан билікке келгеннен кейін әйелдердің білім алуына бірқатар шектеулер енгізілген болатын. Атап айтқанда, оларға экономика, журналистика, ауыл шаруашылығы сияқты салаларда оқуға тыйым салынған еді.