Ауғанстанда 6,4 балдық күшті жер сілкінісі тіркелді.

Еуропа-Жерорта теңізі сейсмологиялық орталығының хабарлауынша, 6,4 балдық жер сілкінісінің ошағы шамамен 272 мың тұрғыны бар Герат қаласынан 34 шақырым жерде болған.

Біраз уақыттан кейін елдің батысында Гераттан 28 шақырым жерде 5 балдық жер сілкінісі тіркелді.

Табиғи апат салдарынан үйлердің қирағаны, адамдар үйінді астында қалып қойғаны айтылады хабарламада.

Естеріңізге сала кетейік, осыдан бірнеше күн бұрын Ауғанстанда күшті жер сілкінісі болып, салдарынан 2 мыңнан астам адам қаза тапқан еді.