Ауғанстанның солтүстік-шығысындағы Бағлон провинциясында маусымдық жауын-шашын салдарынан кем дегенде 50 адам қаза тапты.

Associated Press агенттігінің хабарынша, су тасқыны бірнеше ауданда үйлер мен мүліктерді зақымдаған.

Талибанның табиғи апаттарды басқару министрлігінің өкілі су тасқыны Кабулға да әсер еткенін мәлімдеген. Оның айтуынша, зардап шеккен аймақтарға азық-түлік және басқа да көмектермен құтқару топтары жіберілген.

Сәуір айында елде толассыз жауған жаңбыр мен су тасқыны салдарынан кем дегенде 70 адам қаза тапқан еді.