Ыстанбұлда өткен 15 сағаттық келіссөздерден кейін «Талибан» уақытша үкіметінің өкілдері Пәкістан делегациясына Ауғанстан мен Пәкістан арасындағы қауіпсіздік келісімінің соңғы нұсқасын табыстады.

Afghanistan International басылымының дерегінше, құжатта «Ауған аумағы мен әуе кеңістігін бұзбау» қағидатына адалдық және тараптардың «Талибан қарсыластары» Пәкістан жерін пайдалануының алдын алу міндеттемесі көрсетілген. Сондай-ақ, жобада келісімнің бұзылу ықтималы туралы ақпарат алмасу мен мониторинг жүргізу мақсатында төртжақты тетік құру көзделген.

Дереккөздердің мәліметінше, келіссөздер делдалдардың қатысуымен жалғасып жатыр және оның нәтижелері Дохадағы бейбітшілік келісімін іске асырумен байланысты болашақ мәміленің тағдырын айқындайтын болады.

Өз кезегінде Пәкістан тарапы Кабулдан «Tehreek-e-Taliban Pakistan» (ТТP) және жақында шекаралық шабуылдарға жауапты өзге де топтарға қарсы қатаң шаралар қабылдауды талап еткен.