Ауғанстан Ислам Республикасының үкіметтік делегациясы Ташкентке сапары барысында Ауғанстанның Жоғары білім министрлігі мен Өзбекстан Республикасының Жоғары және арнайы орта білім министрлігі ауған студенттерін Өзбекстанға оқуға жіберу туралы өзара түсіністік туралы меморандумға қол қойды.

Қол қойылған меморандум екі елдің жоғары оқу орындары арасындағы білім беру материалдарымен алмасу, мамандардың білім беру қызметіне өзара қатысуын, ғылыми зерттеулердегі ынтымақтастықты және ғылыми журналдарда басылымдар мен мақалаларды бірлесіп дайындауды қамтамасыз ететін шарттары мен тәртібін анықтайды.

Екі елдің білім беру саласындағы оның ішінде жоғары оқу орындары арасындағы ынтымақтастықты одан әрі кеңейту туралы келісім Өзбекстан үкіметінің делегациясы қазан айында Ауғанстанға сапары барысында жасалған болатын.

«Өзбекстан Республикасы Жоғары және арнайы орта білім министрлігі жанындағы Ауғанстан азаматтарын оқыту орталығын ұйымдастыру туралы» қаулысына сәйкес, 2018/19 жылы 96 студент «өзбек тілі мен әдебиеті» бағытында білім алып олардың барлығы Әлішер Науаи атындағы Ташкент мемлекеттік университетінің бакалавр дипломын алды.

Қазіргі уақытта орталықта 172 студент оқуын жалғастыруда. Ондағы 119 студент «өзбек тілі мен әдебиеті», 35 студент «жер үсті көлік жүйелері және олардың жұмысы», 18 студент «акушерия, гинекология және мейірбике ісі» бойынша білім алуда.