Фанлар академиясида “Марказий Осиё давлатларида атом энергетикасини ривожлантириш истиқболлари ва кам қувватли атом электр станциялари фаолиятининг экологик жиҳатлари” мавзусида халқаро конференция бўлиб ўтди.

Унда Россия Федерацияси, Беларусь Республикаси, Венгрия, Австрия, Болгария, Арманистон, Қозоғистон, Қирғизистон, Тожикистоннинг атом энергетикаси соҳасидаги мутахассислари иштирок этди. 

— Конференцияда атом энергетикасининг муаммоли ҳамда экологик жиҳатлари муҳокама қилинди. Яъни, АЭСларни эксплуатация қилишда қандай муаммоларга дуч келиш мумкин деган саволга жавоб изладик. Тадбирда иштирок этган олимлар бу йўлда анча изланишлар олиб борган, яъни катта тажрибага эга. Атом энергетикаси анча мураккаб. Биз соҳада хато қилмаслик, ҳар бир тадқиқотни илмий жиҳатдан тўғри олиб бориш учун уларнинг тажрибасига суянамиз, — дейди техника фанлари доктори, профессор Бахтиёр Қурбонов. 

Конференцияда “Марказий Осиё давлатларида атом энергетикасини ривожлантириш истиқболлари ва кам қувватли атом электр станциялари фаолиятининг экологик жиҳатлари”, “Ўзбекистонда ядро технологиясининг ҳозирги ҳолати”, “Марказий Осиё давлатлари минтақасидаги энергетика муаммоларини самарали ҳал этиш учун Россия лойиҳасидаги асосий ядровий когенерация иссиқлик электр станцияси”, “Сув ресурслари муаммолари ва истиқболлари каби мавзулар муҳокама қилинди. 

<iframe width="650" height="420" src="https://www.youtube.com/embed/PB5pX_Rr_oM" title="Atom energetikasi istiqbollari muhokama qilindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нигора Раҳмонова, ЎзА мухбири