АҚШда жойлашган Air Company инновацион компанияси ҳаводан бензин олиш имконини берувчи янги технологияни ишлаб чиқди. Компания томонидан тақдим этилган Airmade номли қурилма атмосферадаги карбонат ангидридни (CО₂) синтетик суюқ ёқилғига айлантиради. Бу ҳақда Interesting Engineering нашри хабар бермоқда.

Airmade қурилмасининг ўлчами музлаткичникига тенг бўлиб, у ишлаши учун атиги ҳаво, сув ва қайта тикланувчи электр энергиясидан фойдаланади. Қурилма кунига 1 литр гача синтетик бензин ишлаб чиқариш қувватига эга. Бундай ёқилғи анъанавий нефт маҳсулотларининг муқобили сифатида қаралмоқда.

Air Companyнинг мақсади нафақат муқобил ёқилғи ишлаб чиқариш, балки атмосферадаги зарарли карбонат ангидридни камайтириш орқали иқлим ўзгаришига қарши курашишдир. Компаниянинг фикрича, ушбу технология келажакда ёқилғи ишлаб чиқаришда инқилобий ўзгаришлар келтириб чиқариши мумкин.

Айни пайтда Airmade қурилмаси кичик ҳажмда ишлаб чиқарилмоқда, аммо Air Company яқин йилларда бу технологияни оммавий ишлаб чиқаришга жорий этишни режалаштирмоқда. Бу эса келажакда экологик тоза ва барқарор энергия манбаларининг кенг қўлланилишига замин яратиши мумкин.

<iframe width="560" height="315" src="https://www.youtube.com/embed/cqQCZEI_Nis?si=01s5efbYj9-sz5vE" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА