Өзбекстан елшісі Равшан Усманов AstraZeneca британ-швед фармацевтикалық және биотехнологиялық компаниясының өндірісті кеңейту департаменті басшысының орынбасары Нитин Капурмен кездесті.

Әңгімелесу барысында Өзбекстанның фармацевтика саласының келешегі және AstraZeneca компаниясымен ынтымақтастықты дамыту мәселелері талқыланды.

Нитин Капур AstraZeneca қызметі мен жүргізіліп жатқан зерттеулерімен таныстырды. Елші өз кезегінде Өзбекстандағы фармацевтика саласын дамыту мақсатында жүргізіліп жатқан реформалар мен жаңа өндіріс орындарының іске қосылуы, шетелдік инвесторлар үшін жасалып жатқан мүмкіндіктер мен артықшылықтарға тоқталды.

Кездесу соңында осы бағыттағы ынтымақтастықты одан әрі жеделдету мақсатында алдағы уақытта екіжақты кездесулер мен сапарларды пысықтауға келісілді.