Астана қаласында Өзбекстан мен Қазақстан сыртқы істер министрліктері арасындағы саяси консультациялардың кезекті раунды өтті.

СІМ хабарлауынша, делегацияларды Өзбекстан Сыртқы істер министрінің орынбасары Бобур Усманов пен Қазақстан Сыртқы істер министрінің орынбасары Ермұхамбет Қонысбаев басқарды.

«Тараптар саяси, сауда-экономикалық, мәдени-гуманитарлық және басқа да салалардағы екіжақты қарым-қатынастарды, сондай-ақ көпжақты құрылымдар аясындағы ынтымақтастық мәселелерін талқылады», делінген хабарламада.