Астанада ТМД мемлекеттері басшылары кеңесінің отырысы басталды. Саммитке Әзірбайжан, Армения, Беларусь, Қазақстан, Қырғызстан, Ресей, Түркіменстан, Тәжікстан және Өзбекстан Президенттері қатысуда.

Айта кетейік, Президент Шавкат Мирзияевтің 2017-2021 жылдарда ТМД Мемлекет басшылары кеңесінің отырыстарына қатысуының қорытындысында қол қойылған құжаттар мен Өзбекстан ұсынған бастамалар уақтылы және толық орындалуын қамтамасыз ету туралы «Жол карталары» (100-ден астам шара) қабылданған. 

2019-2021 жылдары Өзбекстан басшылығы тарапынан ТМД аясында 41 бастама көтерілген. Оның 18 орындалды, 21 жүзеге асырылуда, қалған 2-сі белгілі бір мерзімге кейінге шегерілді.

Өзбекстанның 2020 жылы ТМД-ға төрағалық етуі соңғы жылдардағы маңызды оқиға болып табылады және ынтымақтастықты барлық аспектілерде тереңдетуге серпін берді.

Ұйымның дәйекті дамуында Достастықтың алдағы онжылдықтағы дамуының негізгі бағыттарын айқындайтын бағдарламалық құжаттарды – ТМД-ны одан әрі дамыту тұжырымдамасын және 2030 жылға дейінгі ТМД-дағы экономикалық даму стратегиясын бекітудің маңызы зор.

Өзбекстан тарапы ТМД-ны үдерістерді саясиландырмай, ынтымақтастықты кең ауқымдағы тереңдетудің маңызды форматтарының бірі деп санайды.

Мысалы, ТМД шеңберіндегі қазіргі сауда режимін сақтау және одан әрі жетілдіру принциптеріне негізделген толыққанды еркін сауда аймағын қалыптастыру мәселесі Өзбекстан үшін үлкен қызығушылық тудырады.

Сондай-ақ көлік-коммуникациялық инфрақұрылымды дамыту, қатысушы елдер арасындағы өзара тәуелділікті жақсарту, еңбек мигранттарының мүдделерін қорғаудың құқықтық тетіктерін кеңейту басты басымдықтардың қатарында.