Наманган вилояти Поп туманидаги ҳарбий қисмда горнизон бўйича жорий мавсумда муддатли ҳарбий хизматга чақирилган аскарларнинг ҳарбий қасамёд қабул қилишига бағишланган тантанали маросим ўтказилди.

Миллий армия сафларига қўшилиб, ҳарбий хизматга киришган аскарларнинг зиммасига Ватан, халқ ва Ўзбекистон Республикаси Президенти олдидаги масъулият, юртимизнинг тинчлиги, халқимизнинг осойишта ҳаётни таъминлашдек юксак жавобгарлик юкланди.

Ҳарбий қасамёд қабул қилган ёш аскарларга Президент совғалари топширилди.

Ҳарбий қисм оркестрининг ватанпарварлик руҳидаги куй ва қўшиқлари, жанговар бўлинмаларнинг кўргазмали чиқишлари тадбирга байрамона кайфият бахш этди.