ФОТОРЕПОРТАЖ

Жануби-ғарбий махсус ҳарбий округ тасарруфидаги Хайраобод, Какайди ва Термиз гарнизонларида хизмат қилаётган муддатли ҳарбий хизматчилар олий таълим муассасаларига ўқишга киришда қўшимча балл берадиган имтиёзли тавсияномани олиш учун тест топширди.

Мазкур тест саволларининг умумий сони 100 та бўлиб, уларнинг 40 таси жанговар тайёргарлик, 20 таси маънавий-маърифий тайёргарлик, 10 таси математика, 10 таси физика, шунингдек, қолган 20 таси мантиқий саволлардан иборат. Тест синовларини бажариш ва жавобларини белгилаш учун аскарларга 3 соат вақт ажратилди.

[gallery-10442]

Таъкидлаш жоиз, Ўзбекистон Республикаси Қуролли Кучлари сафида муддатли ҳарбий хизматни ўтаб, ҳарбий қисмлар қўмондонлигининг тегишли тавсияномасига эга бўлган фуқаролар республиканинг олий ҳарбий таълим муассасаларидаги тегишли таълим йўналишларига ўқишга киришда тест синовлари натижаларига кўра, тўплаган балларининг 50 фоизи миқдорида қўшимча балл шаклидаги имтиёзга эга бўлади.

Шунингдек, улар республиканинг олий таълим муассасалари бакалавриатига ўқишга кириши учун тегишли ўқув йилига тасдиқланадиган олий таълим муассасаларига қабул параметрларидан ташқари алоҳида ажратилган қабул кўрсаткичлари доирасида танловда иштирок этади.

Жонибек ҚЎЗИМУРОДОВ (сурат), ЎзА