Она юрт тинчлиги ва осойишталигидан азизроқ неъмат борми, бу дунёда?! Уни муҳофаза қилишдан ҳам улуғвор жасоратчи?

Ҳарбийлар, том маънода ана шундай жасорат ва матонат тимсолларидир. Бу касб инсондан чинакам ватанпарварликни, фидойиликни, метин иродани талаб этади.

Ҳарбийлар бугунги тинч-осойишта, дориломон, фаровон ҳаётимизнинг кафолати. Улар бор экан, юртимиз тинч, осмонимиз мусаффо, сарҳадларимиз мустаҳкам. Шу боис ҳам ҳарбийлик — мардлар касби дейилади, Ватан ҳимоячилари доимо улуғланади, шарафланади.

Бугун юртимиз бўйлаб Қуролли кучлар тизимининг 34 йиллиги ва 14 январь — Ватан ҳимоячилари куни кенг нишонланмоқда. Фурсатдан фойдаланиб, Давлатимиз тинчлиги йўлида хизмат қилаётган мард ва жасур ўғлонларимиз ва қизларимизга куч-ғайрат, мустаҳкам соғлиқ ва оилавий хотиржамлик тилаймиз. Қалбингиздан шижоат, билагингиздан куч аримасин.

Юртимизда ҳамиша тинчлик бўлсин!

<iframe width="560" height="315" src="https://www.youtube.com/embed/rD3kGqt5Rj0?si=ZxMK6B9PcpG_U2hb" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Анвархўжа Аҳмедов, ЎзА