Bugun, 17 oktyabr kuni yoshlar o‘rtasidagi III Osiyo o‘yinlarida ishtirok etish uchun kurash, voleybol bo‘yicha O‘zbekiston delegatsiyasi Bahraynning Manama shahriga yo‘l oldi.

Aytish lozim, 45 ta mamlakatning 4 ming nafardan ortiq yosh sportchilari ishtirok etadigan “kichik olimpiada”da 24 ta sport turi bo‘yicha bellashuvlar bo‘lib o‘tadi.

Kompleks musobaqa dasturidan o‘rin olgan milliy sportimiz kurash bahslari 19–20 oktyabr kunlari o‘tkazilib, unda sportchilar to‘rtta vazn toifasida Osiyo o‘yinlarining medallari uchun gilamga chiqadi.

Kurash bo‘yicha O‘zbekiston terma jamoasi tarkibidagi sportchilarimiz Shohjahon G‘olibov, Otabek Yo‘ldoshboyev, Mubinabonu Karimova va Durdona Tursunova qit’a o‘yinlarida Vatanimiz sharafini himoya qiladi.

T.Ro‘ziyev,

O‘zA