Hindistonning Nyu-Dehli shahrida World Boxing tashkiloti kubogi bahslari davom etayotgan ayni kunlarda Asian Boxing tashkiloti 2026 yilgi Osiyo chempionatlariga mezbonlik qiladigan mamlakatlar nomini e’lon qildi.

Unga ko‘ra, kattalar o‘rtasidagi qit’a chempionati kelgusi yilning 28 mart -11 aprel kunlari Mo‘g‘ulistonning Ulan-Bator shahrida tashkil etilsa, poytaxtimiz Toshkent 1-16 may kunlari o‘smirlar (U-15) va yoshlar (U-17) o‘rtasidagi Osiyo birinchiligiga mezbonlik qilishi belgilandi.

2026 yilgi U19 va U22 chempionatiga esa Indoneziya poytaxti Jakarta shahri mezbonlik qiladi. Mazkur qit’a birinchiligi kelgusi yilning 3-16 iyul kunlari bo‘lib o‘tadi.

T.Ro‘ziyev,

O‘zA