Ҳиндистоннинг Нью-Деҳли шаҳрида World Boxing ташкилоти кубоги баҳслари давом этаётган айни кунларда Asian Boxing ташкилоти 2026 йилги Осиё чемпионатларига мезбонлик қиладиган мамлакатлар номини эълон қилди.

Унга кўра, катталар ўртасидаги қитъа чемпионати келгуси йилнинг 28 март -11 апрель кунлари Мўғулистоннинг Улан-Батор шаҳрида ташкил этилса, пойтахтимиз Тошкент 1-16 май кунлари ўсмирлар (U-15) ва ёшлар (U-17) ўртасидаги Осиё биринчилигига мезбонлик қилиши белгиланди.

2026 йилги U19 ва U22 чемпионатига эса Индонезия пойтахти Жакарта шаҳри мезбонлик қилади. Мазкур қитъа биринчилиги келгуси йилнинг 3-16 июль кунлари бўлиб ўтади.

Т.Рўзиев,

ЎзА