Түркіменстан Президенті Сердар Бердімұхамедов қатысқан шара аясында ұлы өзбек ақыны Әлішер Науаи мүсінінің салтанатты ашылуы ұйымдастырылды.

Ескерткіштің ашылу салтанатында қонақтар ұлы ақынның өзбек халқы руханиятының құрамдас бөлігі, кейінгі дәуір лирикасына үлкен ықпал еткен қайталанбас шығармашылық мұрасын ерекше атап өтті.

Шығармашылық топ өкілдері Әлішер Науаи шығармаларын өзбек және түркімен тілдерінде орындады. Түркіменстан үкіметінің мүшелері, дипломатиялық корпус және халықаралық ұйымдардың өкілдері ескерткіштер түбіне гүл шоқтарын қойды.

Айта кету керек, саябақтың орталық бөлігінде Мақтымқұли Фироғи ескерткіші орналасқан. Ескерткіш әлемге әйгілі жазушылардың 24 мүсінін біріктіретін жаңа мәдени-демалыс саябақ кешенінің орталық бөлігіне айналды.

Мақтымқұлы ескерткішінің айналасында әлем жазушылары мен белгілі тұлғалардың мүсіндері бой көтерген. Атап айтқанда, кешенде Оноре де Бальзак, Иоганн Вольфганг Гете, Рабиндранат Тагор, Уильям Шекспир, Федор Достоевский, Данте Алигери, Саят-Нова және басқа да көптеген әлем әдебиетінің көрнекті өкілдерінің айбынды мүсіндері бар.