Ашхободда ўтказилган «Made in Uzbekistan» кўргазмасида 5,2 миллион долларлик шартнома имзоланди
Туркманистон пойтахти Ашхободда ўтказилган «Made in Uzbekistan» кўргазмаси якунланди.
Туркманистон пойтахти Ашхободда ўтказилган «Made in Uzbekistan» кўргазмаси якунланди.Жорий йилнинг 29-31 март кунлари Туркманистоннинг пойтахти Ашхабодда ўтказилган кўргазмада Ташқи иқтисодий фаолият миллий банки хузуридаги экспортни қўллаб-қувватлаш жамғармаси юртимиздаги бир қатор ишбилармонларнинг иштирокини таъминлади.
Ушбу кўргазма доирасида Ўзбекистондан борган вакиллар маҳаллий хомашёдан тайёрланган тайёр кийим-кечаклар, озиқ-овқат маҳсулотлари, чармпойабзал каби тармоқ маҳсулотларини намойиш этдилар.
Экспортни қўллаб-қувватлаш жамғармасидан маълум қилишларича, кўргазма доирасида 5,2 миллион долларлик шартнома имзоланган. Қурилиш моллари ишлаб чиқарувчи “Курбанова М”, қандолат маҳсулотлари тайёрланаётган “Азат Пар”,”Азия Традинг”, чарм оёқ кийимлар ишлаб чиқараётган "Миземез Бент" корхоналари шулар сирасидандир.
