Ўзбекистон Республикаси Президенти Шавкат Мирзиёевнинг 2019 йил 27 декабрь куни мамлакат ёшлари билан видеоселектор тарзида бўлиб ўтган учрашувида ёшлар билан ишлаш бўйича алоҳида вазифалар белгилаб берилган эди. Мазкур вазифалар ижроси туманимизда намунали тарзда ташкил этилмоқда.

Туман миқёсида уйма уй юриш натижасида аниқланган ишсиз ёшларнинг бандлигини таъминлаш мақсадида қатор лойиҳалар амалга оширилмоқда.

Бугун Асака туман ҳокими Эркинжон Якубов Янгисор маҳалла фуқаролар йиғинида деҳқончилик қилиш истагини билдирган ёшлар билан учрашиб, 100 нафар банд бўлмаган ёшнинг ҳар бирига 30 сотихдан жами 30 гектар ер майдони ажратилди. Туман ҳокимининг мазкур ерни ёшларга ажратиш бўйича имзолаган тегишли фармойиши ёшларга топширилди.

Шунингдек, мазкур ёшлар учун ажратилган майдонга илк кўчатлар экилди. Келажакда “Ёшлар боғи” ёшларнинг чинакам орзулари ушалган жой бўлиб қолади.