Аввал хабар берганимиздек, пойтахтимиздаги кўп тармоқли “HumoArena” спорт мажмуида эркаклар ўртасидаги жаҳон чемпионати баҳслари давом эттирилди.

Бугун уч нафар боксчимиз финал баҳсларида иштирок этди.

Биринчи бўлиб Асадхўжа Мўйдинхўжаев чемпионлик учун жанг қилди. Қозоғистонлик Дулат Бекбауовга қарши муросасиз баҳсда ғалаба қозонган Мўйдинхўжаев -67 кг вазн тоифасининг янги чемпионига айланди. 

[gallery-11870]

Маҳоратли боксчимиз, "Рио-2016" Олимпиадаси чемпиони Ҳасанбой Дўсматов дунё биринчиликларидаги иккинчи финалида чемпионликни расмийлаштирди. Юртдошимиз ҳал қилувчи беллашувда франциялик Билал Беннамани 1-раундда нокаутга учратиб, -51 кг вазн тоифасининг олтин медалига сазовор бўлди.

"Токио-2020" Олимпиадаси чемпиони Баҳодир Жалолов фаолиятида иккинчи бор жаҳон чемпионлигини қўлга киритди. Ҳамюртимиз финал жангида кубалик Алехандро Арзолага қарши баҳс олиб борди ва рақибини кучли зарбалари олдида ожиз қолдирди.

Бугунги финалларга ажойиб якун ясалди: 3 та финал ва 3 та олтин медаль! 

Эртага чемпионатнинг сўнгги куни. Рингга кўтариладиган 4 нафар боксчимиздан ҳам олтин медаль кутиб қоламиз!

Муҳаммад АМИН (сурат), ЎзА