Bugungi kunda O‘zbekiston sanoatining taraqqiyotida o‘ziga xos o‘ringa ega bo‘lgan, xalqaro miqyosda ishonchli hamkor sifatida tan olingan, innovatsiyalarga tayangan va texnologik yetakchilikni o‘z strategiyasining markaziga qo‘ygan kompaniyalardan biri bu — Artel Electronics hisoblanadi. Mahalliy sanoatning faxri bo‘lgan Artel, o‘zining keng ko‘lamli mahsulotlari, barqaror rivojlanish yondashuvi va global integratsiyaga qaratilgan faoliyati bilan nafaqat O‘zbekistonda, balki butun mintaqada kuchli sanoat brendiga aylandi.
Artel kompaniyasi bugungi kunda 33 turdagi katta va kichik maishiy texnika va elektronika mahsulotlarini ishlab chiqaradi. Kompaniyaning mahsulotlari sifati, funksionalligi va zamonaviy dizayni bilan ajralib turadi hamda millionlab iste’molchilarning ishonchini qozongan. Mahsulot liniyasi bugungi ehtiyojlarga javob beruvchi, ekologik xavfsiz, texnologik jihatdan ilg‘or yechimlarga asoslangan bo‘lib, har bir detaligacha puxta o‘ylangan.
Artel o‘z faoliyatini faqatgina ishlab chiqarish bilan cheklab qo‘ymaydi. Kompaniya innovatsion markazlar, muhandislik laboratoriyalari, yosh mutaxassislarni tayyorlash tizimi va xorijiy texnologik hamkorliklarni yo‘lga qo‘yish orqali kelajak sanoatining negizini yaratmoqda. Bunday yondashuv kompaniyani nafaqat bugungi, balki ertangi kunning ham yetakchi brendiga aylantirmoqda.
TXIF-2025: Artel – global maydonda
9–12 iyun kunlari bo‘lib o‘tgan IV Toshkent xalqaro investitsiya forumi (TXIF-2025) – O‘zbekiston iqtisodiyotining ochiqligi, ishonchliligi va xalqaro sarmoyadorlar uchun jozibadorligini yaqqol ko‘rsatgan yirik tadbir sifatida tarixga kirdi. Forumda 97 davlatdan 8 mingdan ortiq ishtirokchi, jumladan, 3 mingga yaqin xorijiy mehmon, xalqaro moliya institutlari, yirik kompaniyalar va siyosiy liderlar qatnashdi. Bu O‘zbekistonga bo‘lgan global ishonchning yaqqol dalilidir.
Mazkur yirik maydonda Artel Electronics kompaniyasi o‘zining keng mahsulot assortimentini taqdim etdi. Kompaniyaning zamonaviy, texnologik va estetik jihatdan mukammal mahsulotlari forum mehmonlari orasida katta qiziqish uyg‘otdi. Har kuni minglab mehmonlar Artel stendiga tashrif buyurib, kompaniya mahsulotlarining texnik imkoniyatlari bilan yaqindan tanishdi.
Hamkorlik va strategik imkoniyatlar
Artel delegatsiyasi forum doirasida Italiya va Bolgariya kabi sanoat jihatdan yetakchi davlatlarning kompaniyalari bilan qator samarali muzokaralar olib bordi. Uchrashuvlarda mahsulot eksporti, qo‘shma ishlab chiqarish quvvatlarini yaratish, texnologik transfer va innovasion markazlar tashkil etish kabi istiqbolli yo‘nalishlar muhokama qilindi. Bu tashabbuslar kompaniyaning xalqaro bozordagi ishonchli o‘rni va kelajakka yo‘naltirilgan strategiyasining amaliy tasdig‘idir.
Artel – sanoat ko‘rgazmasi diqqat-markazida
Forum doirasida o‘tkazilgan O‘zbekiston sanoat ko‘rgazmasi 12 000 kvadrat metr maydonda joylashgan bo‘lib, mahalliy ishlab chiqaruvchilar salohiyatini global auditoriyaga namoyish etdi. Artel kompaniyasi ushbu ko‘rgazmaning markaziy ishtirokchilaridan biri bo‘lib, o‘zining ilg‘or texnologik yechimlari va mahsulot sifati bilan ajralib turdi.
Barqarorlik, raqamlashtirish va “yashil” iqtisodiyot sari
Artel o‘z faoliyatida global iqtisodiy trendlarni – “yashil” energetika, raqamli transformatsiya, sun’iy intellekt, eksport diversifikatsiyasi va xalqaro standartlarga muvofiqlikni izchil tatbiq etmoqda. Kompaniyaning energiya tejamkor, ekologik toza mahsulotlarga e’tibor qaratayotgani, raqamli yechimlarni ishlab chiqarish jarayonlariga integratsiya qilayotgani uni barqaror rivojlanayotgan xalqaro brend sifatida mustahkamlab bormoqda.
Artel – O‘zbekiston sanoat qudratining tayanchi
Artel Electronics bugungi kunda 10 dan ortiq ishlab chiqarish zavodlariga ega bo‘lib, minglab ish o‘rinlari yaratgan, yuzlab mahsulot turlarini ichki va tashqi bozorlarga yetkazib berayotgan yirik sanoat markazidir. Kompaniya Markaziy Osiyo, Rossiya, Kavkaz, Yaqin Sharq va Yevropa bozorlarida faol hamkorlik olib bormoqda.
Prezident Shavkat Mirziyoyev tomonidan forumda belgilangan iqtisodiy taraqqiyot strategiyasi doirasida Artel o‘z faoliyati bilan muhim ishtirokchiga aylangan. O‘zbekistonning Iqtisodiy erkinlik va murakkablik indekslaridagi yuksalishi, biznes yuritish uchun yaratilayotgan sharoitlar, Artel kabi milliy kompaniyalar muvaffaqiyati bilan chambarchas bog‘liqdir.
Xulosa o‘rnida, Artel kompaniyasining TXIF-2025dagi faol ishtiroki – bu O‘zbekiston sanoatining jahon miqyosida e’tirof etilayotganining yorqin dalili. Artel – bu faqat texnika emas. Bu – ishonch, sifat, barqaror taraqqiyot va xalqaro hamkorlik falsafasini mujassam etgan brend. Kelajakda ham Artel o‘zining innovatsion salohiyati, texnologik yetakchiligi va xalqaro hamkorlik doirasini kengaytirgan holda, O‘zbekistonni sanoat xaritasida yanada baland cho‘qqilarga olib chiqishda davom etadi.
O‘zA
Reklama huquqi asosida