6 тамызда Англия чемпионатының өткен маусымдағы чемпионы мен Англия кубогының иегері «Манчестер Сити» мен екінші орындағы Лондон клубы «Арсенал» арасында Англия суперкубогы кездесуі өтті.

Лондондағы «Уэмбли» стадионында өткен матчта Стюарт Атвелл бастаған төрешілер тобы жұмыс істеп, кездесудің алғашқы таймында қос тарап тең ойын көрсетті.

Екінші таймның 77-минутында 21 жастағы Коул Палмер есеп ашты - 1:0. «Сити» жанкүйерлері жеңісті тойлай бастаған тұста матчтың 90+11-минутында Леандро Троссардың соққысынан есеп теңесті – 1:1.

Осыдан кейін командалар бірден пенальти сериясын бастады. Онда лондондық клубтың бағы жанып, «Арсенал» жеңімпаз атанды.