Қарор бекор қилиниб, 279 тадбиркор фаолияти тикланди
Хусусан, Учқўрғон туман ҳокимининг қарори билан 279 тадбиркорлик субъекти фаолияти амалдаги норматив-ҳуқуқий ҳужжатлар талабларига зид равишда вақтинчалик тўхтатилган.
Коронавирус пандемияси ва глобал инқироз ҳолатларининг тадбиркорлик фаолиятига салбий таъсирига оид мурожаатларни тезкорлик билан ҳал этиш, тадбиркорлар ҳуқуқлари ва қонуний манфаатларини ҳимоя қилиш Бизнес-омбудсман томонидан доимий назоратга олинган.
Бизнес-омбудсман матбуот хизматидан хабар қилишича, ўрнатилган назорат тадбирлари давомида Наманган вилоятида карантин даврида ишлашга рухсат берилган бир қатор тадбиркорлик субъектларининг фаолияти чеклангани аниқланди.
Хусусан, Учқўрғон туман ҳокимининг қарори билан 279 тадбиркорлик субъекти фаолияти амалдаги норматив-ҳуқуқий ҳужжатлар талабларига зид равишда вақтинчалик тўхтатилган.
Бизнес-омбудсманнинг тақдимномасига асосан Учқўрғон туман ҳокимининг мазкур ноқонуний қарори бекор қилинди ва тадбиркорлик субъектлари фаолияти тикланди.