AQSHning Kaliforniya shtatidagi Kolumbus (Ogayo) shaharchasida o‘tkazilgan “Arnold klassik” Butunjahon multisport festivalida sambo bo‘yicha o‘tkazilgan turnirda mamlakatimiz sportchilarining g‘alabasi sharafiga O‘zbekiston nomi ulug‘landi.

AQSHning bir qator mintaqalaridan hamda O‘zbekiston sambochilari qatnashgan nufuzli musobaqada mamlakatimiz vakillari sovrinli o‘rinlarni egalladi. 

Jumladan, o‘tgan yili poytaxtimizda sambo bo‘yicha o‘tkazilgan jahon chempionati ishtirokchisi Elyor Serikbayev, Muhammadnozim Shukurov, Jamoliddin Qurbonov va Sherbek Ro‘ziyev kabi sambochilarimiz o‘z vazn toifalarida “Arnold klassik” multisport festivali chempioniga aylanishdi. 

Musobaqada chiroyli usullari bilan muxlislar olqishiga sazovor bo‘lgan hamda har bir bellashuvni katta ustunlik bilan yakunlagan xalqaro toifadagi sport ustasi Sherbek Ro‘ziyev festivalning eng yaxshi sportchisi, deb topildi va maxsus sovrin bilan taqdirlandi. 

Aytish lozim, mazkur sport festivali 1988 yildan buyon turli yakkakurash sport turlari bo‘yicha tashkil etib kelinadi. Uning asoschisi mashhur kinoaktyor, Kaliforniya shtatining 38-gubernatori Arnold Shvarsnegger hisoblanadi.  

T.Ro‘ziyev, O‘zA