Armaniston va Ozarbayjon muzokarani davom ettiradi
Armaniston va Ozarbayjon tashqi siyosat idoralari rahbarlari Ararat Mirzoyan va Jayxun Bayramov tinchlik shartnomasi bo‘yicha muzokarani davom ettirishga kelishib oldi, deb xabar tarqatdi Armaniston TIV matbuot xizmati.
Ularning 28-29-fevral kunlari Berlinda bo‘lib o‘tgan uchrashuvida “Armaniston va Ozarbayjon o‘rtasida davlatlararo munosabat hamda tinchlik o‘rnatilishi to‘g‘risida”gi bitim loyihasi bandlari bo‘yicha qarashlar muhokama qilingan.
– Qator masalalar bo‘yicha muzokarani davom ettirishga ikki tomon ham rozilik bildirdi, – deyilgan xabarda.