Armaniston va Ozarbayjon o‘zaro tinchlik munosabatini o‘rnatishi kerak, “ayrim o‘yinchilar” Yerevanni harbiy harakatga tortmoqchi. Ayni fikrni mamlakat tashqi ishlar vaziri Ararat Mirzoyan BMT Xavfsizlik Kengashi yig‘ilishida bildirgan.

– Biz Armaniston Qurolli kuchlari harbiy xizmatchilarining Qorabog‘da mavjudligi to‘g‘risidagi xabarlarni qat’iyan rad etamiz, bunday gaplar haqiqatga to‘g‘ri kelmaydi, – degan TIV rahbari. – Bu urinish ortida qator o‘yinchilarning Armanistonni harbiy harakatga tortish, shu tariqa bizning suveren hududimizda jangovar to‘qnashuvni davom ettirish istagi bor.

Mirzoyan ta’kidlashicha, “Armanistonning pozitsiyasi aniq va o‘zgarmas – suverenitet va hududlar yaxlitligini o‘zaro e’tirof etishdan kelib chiqib, tinchlik munosabati o‘rnatish”.

Vazir Qorabog‘dagi fuqarolik infratuzilmasi bo‘yicha jang va hujumni qoralashni talab qilib, hududda kechiktirmasdan BMT idoralararo missiyasi joylashtirilishini so‘ragan.