Арманистон президенти Армен Саркисян ҳукуматнинг босими остида истеъфо бермаган. Бош вазир Николь Пашинян жамоаси аъзоси, мудофаа ва хавфсизлик бўйича доимий комиссия раҳбари Андраник Кочарян шундай фикрни айтди, деб хабар бермоқда “ТАСС”.

Кочарян Саркисяннинг Конституция бўйича ваколати кам бўлганига ҳам изоҳ берди ва мамлакатда Конституциявий ислоҳотни тайёрлаш бўйича комиссия тузилгани, Саркисян натижани кутиши мумкинлигини қайд этди.

2018 йилда президентликка сайланган Саркисян якшанба куни истеъфо берди ва ўз қарорини ваколати камлиги билан изоҳлади.
Арманистонда президент бир муддатда етти йилга сайланади, парламент унинг истеъфосини қабул қилади. Конституцияга кўра, президент кетганидан кейин 35 кунга қолмасдан мамлакатга янги президент сайланиши лозим.