Озарбайжон АҚШ воситачилигида 17 нафар арманистонлик ҳарбий асирларни қайтарди, деб маълум қилди мамлакат мудофаа вазирлиги матбуот котиби Арам Торосян.

"Бугун Озарбайжон томони АҚШ воситачилигида 17 нафар арманистонлик ҳарбий асирларни қайтарди", – деб ёзди у ижтимоий тармоқдаги саҳифасида.

Ўз навбатида, Арманистон бош вазири Никол Пашинян ўзининг ижтимоий тармоқдаги саҳифасида 17 нафар ҳарбий асирларнинг қайтарилишида АҚШнинг саъй ҳаракатларини юқори баҳолаб, халқаро ҳамкорлар билан биргаликда минтақада тинчлик ўрнатилишига умид билдирган.

Сўнгги пайтларда Арманистон билан Озарбайжон чегараларида вақти-вақти билан отишмалар юзага келмоқда. Сўнгги жиддий кескинлик 13 сентябрь куни тунда юз берган эди.