Аритмия — юрак уришининг тартибсизлиги, яъни унинг жуда тез, жуда секин ёки номувофиқ ритмда уриши билан тавсифланадиган ҳолатдир.

Бундай ўзгаришлар юракнинг қонни самарали айлантириш қобилиятига салбий таъсир қилиб, ўз вақтида даволанмаса, жиддий асоратларга олиб келиши мумкин.  

Аритмиялар баъзан сезилмас ёки енгил кечса-да, баъзи турлари ҳаёт учун хавфли ҳисобланади.

Юрак ритмини бошқариб турувчи электр импулслари юрак мушаги орқали узлуксиз ўтади ва ҳар бир камеранинг қисқаришини мувофиқлаштиради. Мана шу электр сигналларининг издан чиқиши ритм бузилишига сабаб бўлади.  

Мавзу юзасидан батафсил маълумот олиш мақсадида Миллий тиббиёт маркази Интервенцион аритмология бўлими мудири, “Шуҳрат” медали соҳиби — Илҳомжон Турсунқулов билан суҳбат уюштирдик.

Суҳбатда аритмиянинг келиб чиқиш сабаблари, ўзига хос белгилари, замонавий ташхис усуллари ва даволаш имкониятлари ҳақида атрофлича сўз юритилди.

Батафсил “Саломат бўлинг” дастурида:  

<iframe width="791" height="445" src="https://www.youtube.com/embed/ycaTLgrfNzw" title="Aritmiya: yurak ritmidagi buzilishlar va ularni bartaraf etish yo`llari " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Эшмирзаева, Д.Якубов (видео), ЎзА