Аргентина терма жамоаси бош мураббийи: «Лаутаро Месси билан бирга «Барселона»да ўйнаса, тез ўсади»
«Ундан умидимиз катта, Лаутарони ёрқин келажак кутиб турибди», қўшимча қилган мураббий.
«Назаримда, Лаутаронинг Месси билан бирга «Барселона»да тўп суриши у учун анча фойдали бўлади. Лео ҳар қандай ёш футболчининг ўсишида муҳим ўрин эгаллайдиган персондир», дея «Интер» ҳужумчиси Лаутаро Мартинесни «Барселона»га ўтишга ундаган Аргентина терма жамоаси бош мураббийи Лионель Скалони.
«Биз хотиржам бўлишимиз керак. Агар Лаутаро клубини ўзгартирса, бу бизга таъсир ўтказмайди, модомики унинг жисмоний жиҳатдан яхши формада бўлишига имкон берувчи клуб «Барселона» ёки «Интер» бўлишидан қатъий назар. Ундан умидимиз катта, Лаутарони ёрқин келажак кутиб турибди», қўшимча қилган мураббий.
Ўз навбатида 23 ёшли футболчини қўлга киритиш мақсадида «Барселона» жиддий киришган ва «Интер» белгилаб қўйган 111 миллион евролик товон пулини қоплаш учун бир нечта футболчисини ҳам таклиф этишга улгурган.
«Мартинес трансферининг амалга ошишида фақатгина битта йўли бор: шартномада кўрсатилган товон пулини тўлаш. Буни ҳеч кимдан яширишнинг иложи йўқ ва ким уни ўз таркибиди кўришни истаса, шартнома шартларини бажариши шарт», дея Sky Italia нашрига интервью берган бир неча кун олдин «Интер» спорт директори Пьеро Аузилио.
«Ўзаро битимга кўра, ушбу банд июль ойининг бошларида тугайди, шунинг учун ким уни қўлга киритмоқчи бўлса, ҳаракатини қилсин. Қайтараман: Лаутаронинг «Интер»дан олиб кетишнинг ягона йўли — шартномада кўрсатилган товон пулини тўлаш», дея таъкидлаган Аузилио.
Эслатиб ўтамиз, аргентиналик иқтидор эгаси коронавирус пандемияси бошлангунга қадар «Интер» сафида ушбу мавсумда 30 баҳсда иштирок этиб, 16 голга муаллифлик қилган.