Аргентина соты Венесуэла басшылығының бірқатар мүшелерін, соның ішінде ел президенті Николас Мадуроны қамауға алу туралы ордер берді.

«Аргентина әділет органдары Николас Мадуро, Ұлттық ассамблея төрағасы Диосдадо Кабельо және Венесуэла үкіметінің басқа да жетекшілерін адамзатқа қарсы жасаған қылмыстары үшін қамауға алу санкциясын берді», — делінген хабарламада.

Сот шешімінде «Венесуэлада кем дегенде 2014 жылдан бері жүзеге асырылып келе жатқан және әлі де қолданылып жатқан қуғын-сүргін, адамдардың жоғалып кетуі, азаптаулар, өлтірулер мен бейбіт тұрғындарды қудалау жүйелі жоспары жүзеге асырылып жатқаны дәлелденген» деп көрсетілген.

Қамауға алу туралы ордер берген кезде Аргентина соты адамзатқа қарсы жасалған қылмыстарды қамтитын әмбебап юрисдикция қағидасын ұстанған.