Аргентина расман БМТ Бош котиби лавозимига МАГАТЭ раҳбари Рафаэль Гросси номзодини кўрсатди, деб хабар тарқатди мамлакат Ташқи ишлар вазирлиги.

Гроссининг ўзи ҳам аввалроқ шу лавозимга даъвогарлик қилишини айтганди.

- Аргентина Республикаси 2027-2031 йиллар учун БМТ Бош котиби лавозимига элчи Рафаэль Гросси номзодини тақдим этишдан фахрланади, дейилган баёнотда.

ТИВ дипломатик корпусда қирқ йилдан кўп хизмат қилганини таъкидларкан, бу дипломатнинг асосий ютуғи аниқ натижага олиб борадиган очиқ, самарали бошқарув орқали халқаро тинчлик ва хавфсизликни таъминлашга қаратилганини қўшимча қилди.

Халқаро атом энергияси агентлиги (МАГАТЭ) директори Рафаэль Гросси интервьюларидан бирида агар БМТ раҳбарлигини эгалласа, зиддиятни бартараф қилиш учун Москва ва Киев билан яқиндан ҳамкорлик ўрнатишини билдирган.

2026 йил Антониу Гутерриш ваколатини топшириши кутиляпти.

Гроссининг фикрича, Бош котибнинг вазифаси глобал тинчлик ва хавфсизликни сақлаш билан боғлиқ барча масалаларни ҳал қилишдир.

С.Раҳимов, ЎзА