Өзбек және орыс тілдерінде жарық көрген бұл кітап — Екінші дүниежүзілік соғысқа қатысқан, ауыр күндерді бастан өткерген, соғыстың сұмдығына куә болған және бүгінгі таңда арамызда тірі жүрген өзбекстандық ардагерлердің естеліктеріне негізделген бірегей жинақ.

Кітап беттеріндегі естеліктер мен тағылымы жас ұрпақ тарапынан хатқа түсірілуі – шынайы құрметке лайық.

«Хотира нури» («Естелік нұры») – арамызда өмір сүріп жатқан қадірлі ардагер отандастарымыздың шынайы сөздері мен жүрек сырлары жазылған тағылымды кітап. Олардың сынаққа толы өмір жолдары мен ерліктері арқылы бейбіт өмірдің шынайы құндылығын тереңірек ұғынғандай боласыз.

Екінші дүниежүзілік соғыстың қатысушылары мен куәгерлерінің естеліктерін жинақтап, сақтап қалу – тарихқа және адамға деген шексіз құрметтің айқын көрінісі.

Қарақалпақстан Республикасы, Ташкент қаласы және 12 облыстан жиналған барлығы 14 ардагердің естеліктеріне негізделіп дайындалған бұл кітап – ақынның «Атың өшкір соғыс» деген үніндей естіледі.

Бұл кітап – тек қана естеліктер жинағы емес, бұл – ұрпақтар арасындағы үнқатысу, шындық пен рухты серпілтетін сырлы сұхбаттар, соғыс қасіретін көзімен көрген жандардың ащы естелігі мен шынайы баяндауы.

ӨзА