Түркия құрамасының бұрынғы жартылай қорғаушысы Арда Туран «Эйюпспор» клубының бас бапкері болды.

36 жасты футбол майталманымен Түркия 1-двизион клубы арасындағы келісімшарт 2024 жыл жазына дейін жасалған.

Еске салайық, Арда Туран футболшы ретінде жасыл алаңда соңғы ойындарын «Галатасарай» клубында өткізді.

Сонымен қатар, 2011-2020 жылдары Ла Лигада «Атлетико Мадрид» пен «Барселона» клубында ойнады. Арда екі рет осы клубтар сапында Испания чемпионы атанды және «Атлетико Мадрид» сапында Еуропа лигасы мен УЕФА суперкубогын жеңіп алды.