Хитойнинг Лучжоу шаҳрида аралаш жанг санъатлари – ММА бўйича III Осиё чемпионати ўтказилди. Қувонарлиси, мазкур мусобақада Ўзбекистон терма жамоасининг жами 12 нафар спортчиси муносиб иштирок этди.

Жумладан, мусобақанинг 59 килограммгача вазн тоифасида мамлакатимиз шарафини ҳимоя қилган Самандар Абдураҳмонов барча рақибларини енгиб, олтин медални қўлга киритган бўлса, Азизбек Маҳамаджонов 120 килограммгача вазнда кумуш медаль билан тақдирланди.

Шунингдек, терма жамоамиз сафидан ўрин олган Юсупбай Аҳмедов (-96 кг), Ҳусниддин Насриддинов (-65 кг), Сарварбек Ҳасанов (-85 кг) ва Миржалол Мирсаидов (-60 кг) ўз вазн тоифаларида бронза медалига эга чиқди.  

Жавоҳир Тошхўжаев,

ЎзА