Кеча АҚШ Президенти Дональд Трамп Украинага Европа томонидан молиялаштириладиган янги қурол етказиб берилишини эълон қилди ва Россияга нисбатан янги тариф билан таҳдид қилди. Шунга қарамай, Москва фонд бозори 2,7 фоиз қимматлашди. Бу ҳолат янада кескин санкция ҳам РФ учун наф келтирилиши мумкинлигидан дарак беради.

BBC хабарига кўра, янги санкция 50 кундан сўнг кучга киради. Демак, РФга қарши чоралар таъсирини кечиктириш имкони бор. Трампнинг баёноти Путин тинчлик келишувини имзолашдан бош тортганидан норозилик сифатида баҳоланди.

Россия тинчлик истаётганини билдирса-да, муайян шартлар Ғарб томонидан қабул қилинадиганга ўхшамаяпти. Кремль уруш сабабини ташқи таҳдидлар билан изоҳлаган.

Аввалроқ АҚШ ва РФ ўзаро муроса йўлини танлаган эди. Энди эса Трамп баёноти Россияга санкция ва Украинага қурол ёрдами давом эттирилиши орқали босим кучайтирилишини кўрсатмоқда.

Мусулмон Зиё, ЎзА